Tиквата овој период ја имаме на трпеза, но поради своите неверојатни состојки и благотворни својства, овој зеленчук е одличен за нега на кожата. Често подготвуваме гурмански специјалиети со тиква, но и домашни рецепти кои ѝ помагаат на кожата на различни начини. На пример, маските на база на тиква се добри за секој тип на кожа, богати се со витамините А и Ц, кои ја помагаат обновата на кожата и го успоруваат стареењето, потоа со цинк, кој исто така помага во регенирањето на кожата и богато ја хидратизира. Портокаловата боја доаѓа од каротеноидот, пигмент кој го успорува старењето и појавата на брчки. Тиквата е богата со антиоксиданси, а содржи и ензими кои помагаат во топењето на сувите клетки на кожата и на тој начин делува како природен пилинг.
Маските од тиква го хранат лицето ја затегнуваат кожата и спречуваат појава на акни и на брчки. Лесно се подговуваат во домашна атмосфера, следниве рецепти таргетираат неколку посебни проблематики.
Маска против брчки: Потребни се чаша семки од тиква, една чаша павлака и 10 капки масло од рицинус. Семките се чистат и се ситнат во аван или во блендер. Во иститнетите семки се додаваат павлаката и капка по капка од рицинусовото масло. Нанесете ја маската на претходно исчистена кожа и по 30 минути отстранете ја со помош на памук. После тоа, мијте го лицето наизменично со топла и со ладна вода.
Маската за остарена и опуштена кожа: Изрендајте ситно едно парче сирова тиква и нанесете ја смесата на лицето. Покријте ја маската со газа и чувајте ја на лицето 30 минути. Потоа отстранете ја со ладна вода.
Маска за сува кожа: Се мешаат две супени лажици варена тиква и една супена лажица маслиново масло. Маската се нанесува на лицето и се покрива со газа. Се измива со млака вода после 30 минути.
Маска за мрсна кожа: За оваа маска потребни се 10 супени лажици ситно изрендана тиква, 5 лажици изрендан целер, 5 лажици изрендано кисело јаболко и 5 лажици павлака. Измешајте ги состојките и нанесете ја маската на претходно измиено лице. Преку маската ставете газа. Исперете ја после 45 минути со млака вода. Оваа маска можете да ја користите еднаш неделно.
Маска за кожа со митесери: Се мешаат 10 супени лажици сок од тиква со 10 супени лажици павлака. За да добиете сок, нарендајте ја тиквата и оставете ја да отстои и да пушти сок. Измешајте го сокот со павлаката и маската нанесете ја лицето. После 20 минути се отстранува со млака вода.
Нема коментари