Лондон вчеравечер беше во знакот на модата благодарение на доделувањето на Британските модни награди и ѕвездите што прошетаа на црвениот килим на настанот. Наградите беа доделени во неколку категории, во повеќето победи Даниел Ли, креативниот директор на куќата „Ботега Венета“. Ова беше извонредна година за „Ботега Венета“, креациите на Даниел Ли беа едни од најбараните, а успехот заокружен со повеќе награди доделени вчера – главната награда за дизајнер на годината, потоа за британски дизајнер на женска колекција, дизајнер на модни додатоци и бренд на годината. Извонреден успех во главните категории за Ли и „Ботега Венета“!
Џорџо Армани во друштво на Роберта Армани, Кејт Бланшет и Џулија Робертс
Во останатите категории победници се Адут Акеч како манекенка на годината, брендот Fenty на Ријана како победник за урбан луксуз, Сара Бартон од Александар Беквин е пионер во модната индустрија, специјални награди добија Наоми Кембел за модна икона, дизајнерите Џорџо Армани и Кристофер Кејн за нивниот придонес во модата, Ким Џонс од „Диор“ е најдобар британски дизајнер на машка колекција, а специјална награда постхумно доби и Карл Лагерфелд.
Црвениот килим ѕвезден, се појавија огромен број на познати личности од светот на модата и забавната индустрија.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари