Еден од најпознатите хотели во Париз, „Риц“, во кој своевремено живееше и креаторката Коко Шанел, во своите простори го отвори првиот спа центар со потпис на „Шанел“. Легендарниот хотел на исто толку иконскиот плоштад Place Vendôme повторно ги отвори вратите во јуни годинава откако во 2012 беше затворен поради реновирање, а во него модната куќа „Шанел“ го претстави првиот спа центар на брендот. 
Декорот на „Шанел“ спа центарот е шик и отмен, со доза на минимализам, но содржи и фрески, позлата и базен во неокалсичен стил, делови инспирирани од апартманот на Коко Шанел, која што во „Риц“ престојувала скоро 40 години. Спа центарот нуди третмани кои ги будат сите сетила, релаксација на умот и телото,а голема препорака е третманот за лице Grand Soin Chanel. Во просторот на спа центарот сместени се пет кабини за масажи за кои се користат специјални ароматични масла именувани по познатите парфеми на „Шанел“ – 5, 19 и 22.
Нема коментари