„Шанел“ отсекогаш бил симбол на префинетост, луксуз, елеганција и женственост. Тоа е формулата со која брендот патува секоја сезона напред и назад во времето, но секогаш навремено и прецизно го отсликува актуелниот моден бран. Тоа ја прави оваа куќа безвремена и доследна на себе, а со тоа ги задржува клиентите и анимира армија нови. Карл Лагерфелд со новата колекција за висока мода, наменета за сезоната есен-зима 2014/15 која ја претстави пред неколку часа во Париз уште еднаш покажа дека за „Шанел“ промена на сезоната значи само промена на материјали, но не и на стил ниту на квалитет.
Во амбиент позајмен од 30-тите години беа презентирани повеќе од 60 внимателно комплетирани стајлинзи, кои се суптилен спој на барокот и футуризмот. На моменти беа избришани границите меѓу историскиот костим и моделите од иднината, а тоа посебно се гледа во совршениот крој , едностaвнаta линија и повеќеслоjнсота на креациите. Колекцијата е висока мода по изведба и форма, но носива во суштина.
Во фокус беа шорцевите (или бициклистичките) „позајмени“ од машката спортска облека (н.з. според некои своеовидна паралела со Tour de France) блечени под балон здолништата или фустаните. Палтата се со тесни рамена и подигнат околувратник, право скроени и прпиени за телото. Кај дел од креациите има разгираност со пердуви, крзно, везови, кристали, како и со луксузен брокат, исшаран со златни, сребтрени и други свилени конци. Моделите на нозе имаат летни обувки, сандали и апостолки, а чантите се речиси невдливи бидејќи се направени од иста материјал и со сличен мотив како креациите.
Ѕвездата на реалните шоуа Кендал Џенер (лево) како модел на ревијата; бремената Ешли Гуд како невеста (десно) се поздравува со Карл Лагерфелд на крај од ревијата
Вниманието го привлече помаладата сестра на Ким Кардашјан, Кендал Џенер, која носеше еден од моделите на ревијата. Во финалето на шоуто Лагерфелд се појави во друштво на австралискиот модел Ешли Гуд. Манекенката, која е во шестиот месец од бременоста, ја носеше венчаницата-како круна на ревијата.
Нема коментари