Повеќе од 60 изложби, над 30 промоции на книги, накит, индустриски дизајн, мебел, како и повеќе иницијативи за општествена одговорност се само дел од активностите на скопското арт-кафе „Концепт 37“ во своите први 365 дена. Денеска и утре, со тематска забава наречена Life is a Beach (Животот е плажа) на Рузвелтова 37 ќе се одбележи првиот роденден на концептуалното кафуле.
Локалот, кој за кусо време стана место каде што покрај вкусното кафе и пијалакот со пријателите, можеше да се конзумираат и низа културно-уметнички настани. Стана место каде што познатите, но и анонимни дизајнери можат да ја покажат својата креативност, или да ја најдат својата инспирација.
-Некои во „Концепт 37“ го пијат утринското кафе, а други се релаксираат со пијачка после работа. Секој си создава своја приказна…Изминатава година имаше и џез, а имаше и фанк, хип-хоп, рок и хаус. Гости ни беа познати уметници, дизајнери, музичари, фотографи и непознати гости кои ги запознававме цела година. Имаше и театарска претстава, имаше и кино. Терасата можеби беше мала, но имаше место за сите. Во оваа година пробавме да создадеме нешто, што ќе биде несекојдневно, а нашите гости секојдневно ни помагаа во тоа. Затоа ве покануваме сите да дојдате и заедно да го прославиме првиот роденден на „Концепт 37“. Денеска од 17 часот, ве чекаме на концептуална плажа заедно со бендот „Хабанита“. Апостолки не се задолжителни, но се пожелни кога седите на песок-велат од „Концепт 37“. Утре од 20 часот во просторот се организира роденденска изложба на .gif-ови (GIFEST) и изложба на полароид фотографии од сите гости кои ставиле своја фотка на хаштагот #Concept37! Потсетете се, проверете го мобилниот, ако имате фотографија на хаштаг #Concept37, дојдете и најдете ја во „Концепт 37“-велат од кафулето.
Stylist.mk одржа дебата на тема „Оригинали и копии во македонската мода“
„Концепт37“ е место каде што се одржаа и неколку значајни настани за Stylist.mk. Во ова место се роди и разви концептот на нашиот сајт и асоцијација. Таму ѝ ја врачивме наградата за најдобар модел за есенското издание на Моден викенд-Скопје на манекенката Маја Ристевска. Во просториите на „Концепт 37“ се одржа и дебатата на тема „Оригинали и копии во македонската мода“ во организација на Stylist.mk, како и доделувањето на статуетките за најдобрите на пролетното издание на Моден викенд-Скопје. Тоа е место каде што ги реализираме голем дел од интервјуата со нашите модни дизајнери, и локација што често ја посетуваме за да ги погледнеме изложбите и презентациите на повеќе домашни и регионални имиња од областа на дизајнот.
Со неколку фотографии потсетуваме на атмосферата на дел од настаните што ги посетивме во „Концепт 37“ изминатава година.
Маја Ристевска ја доби наградата за најдобар модел на есеното издание на Моден викенд-Скопје 2013
Од хуманитарниот настан „Дизајнирани прегратки“
Катарина Ивановска ја промовира својата филантропска фондација во „Концепт 37“
Во концептуалното кафуле многумина ја покажаа, но и најдоа својата креативност
„Претплет“ го прослави првиот роденден во овој простор
Капсулната колекција на маици од македонски илустратори и графички дизајнери во рамките на Модниот викенд-Скопје
Нема коментари