Основачот на бизнис центарот за неформално образование Creative Hub од Скопје, Аријана Коскарова беше поканета од Forbes на глобалниот самит во Израел кој се оддржа од 6 до 10 мај.
На глобалната конференција присуствуваа над 750 претприемачи од светот, од 25 категории кои застапуваа 35 земји. Македонија беше претставена со иновативната компанија за неформално образование, Creative Hub, а честа беше уште поголема кога директорот и организатор на проектот “Forbes 30 Under 30”, Рендал Лејн ја спомена Македонија два пати во најавата.
Заедно со претприемачи од самитот помагаме на израелски стартап да развие стратегија
Конференцијата започна со гламурозно отворање на Берзата во Тел Авив, заедно со најпознатиот модел и денес претприемач на Бар Рафаели и сите жени учеснички на самитот. Низ 4 дена, конференцијата се одвиваше на 8 различни локации и тоа Старата Железничка Станица (каде присуствуваа и бројни познати личности како тркратниот Греми победник Кевин Олусола, НБА шампионот Андре Студмире кои беа во улога на претприемачи), продолжи на израелската плажа Гордо каде учесниците имаа можност низ триминутен pitch да ги претстават своите компании на познати инвеститорски компании. По тридневна интензивна програма во Тел Авив, учесниците патуваа до Ерусалим на историска тура низ светиот град, а вечерта заврши со претворање на пазарот Јехуда во целовечерен отворен клуб до раните утрински часови. Последниот ден, организаторот во соработка со JVP (најголемиот инкубатор и инвеститор во Израел) организираше ден каде сите учесници беа поделени во групи и имаа задача да работат заедно со еден стартап од инкубаторот и потоа во негово име да го претстават неговиот бренд пред судиите од Forbes. И во стил на еден настан каков што само Forbes може да направи, настанот заврши со Бедуинска забава во пустината до раните утрински часови.
Панел дискусии во Старата Железничка Станица, ден 2
Creative Hub беше поканет за учесник во категоријата иновативно образование, токму поради иновативната 5П програма која ја нуди на сите млади а вклучува: Програми што одговараат на потребите на пазарот , CEO & експерти во улога на предавачи, Визитинг експерти, Посета на компании и Платена пракса во текот на студирањето. Според истражувањата на Forbes, иднината на образованието е токму во неформалниот сектор во аспект на учење од искуство а праксата е задолжителен елемент за успех.
Аријана и Creative Hub исто така станаа дел и од Алумни клубот и се поканети и на годишните самити во Бостон и Амстердам.
„Како основач на центар во површински мала земја како Македонија за нас е многу голем успех дека тоа што го правиме го препозна најголемиот магазин за успех Forbes. Самитот беше искуство на кое се надеваме дека во иднина Македонија ќе биде претставена од многу поголем број претприемачи бидејќи имаме многу млади со голем потенцијал”, изјави Аријана Коскарова.
Аријана Коскарова заедно со Рендал Лејн, директор на Forbes Media, по споменувањето на Македонија, а се запозна и со Бар Рафаели, светски позната манекенка и основач на брендот Carolina Lemke
Нема коментари