На 9 декември, понеделник, во субкултурниот центар „Шорт бас“, со почеток во 20:30 часот, ќе биде отворена изложбата „Цртаме акт“, групна изложба на млади автори кои се состои од цртежи, фотографии, видео презентација од процесот и перформативноста. Изложбата е дел од манифестацијата „Нов културен бран 2019“, поддржана од Министерство за култура на Р.С. Македонија, а куратори на изложбата се Маргарита Симовска, кадемски сликар муралист и Доротеј Нешовски, нтердициплинарен уметник.
ЦРТАМЕ АКТ акт е платформа носител на идејата за ослободување на поимот ГОЛО ТЕЛО во сите негови водови на постоење: род, пол, националност, религија… ЦРТАМЕ АКТ вмрежува и дава поддршка, како на уметниците и љубителите на уметноста така и на случајните минувачи во процесот на креирање и создавање на уметноста.
Различната перцепција на повеќе од 30 локални уметници изразена во 420 цртежи испирирани од дваесетина модели, ја изкажаа потребата на човекот да создава и вреднува, да го сака, да го сочуствува и да го почитува човечкото тело. Застанувајќи отспротива на деструкцијата, понижувањето и осудата, помладата генерација ги руши табуата за перформативно изложување на голото тело. На изложените цртежи прикажано е настојувањето да се истражи и експериментира со сопственото јас во социолошки контекст преку уметнички интердисциплинарен проект. Целта на изложбата не е да прикаже академизам и конструктивизам на цртежот туку целосна слобода на израз и пристап кон доживување на личноста која позира. Неформално, платформата-проект ЦРТАМЕ АКТ како наратив и вредност во совремниот заеднички живот дава можност за креативно и активно слободно време.
Субкулурниот простор ШОРТ БАС ја препозна идејата и даде безрезервна поддршка отстапувајќи простор за соработка и интеракција на младите уметници артисти меѓу кои земаа учество студенти, ученици, активистки, философи и еден странец Французин кој со голема возбуда позираше. Јавниот простор стана трансформирано ателје со несекојдневен придонес на културната сцена и духовната трпеза на наше Скопје.
Повелте дојдете нахранете душа, уметност зготвена од локалните артисти.
Учествуваат: Маргарита Симовска, Доротеј Нешовски, Стефан Китановиќ, Ива Станковска, Лирим Хоџа, Викторија Ивановска, Димитар Чакар, Теодор Јуруковски, Ивона Ѓорѓиовска, Леона Блажева, Ана Tрајковска, Јасмина Трпевска, Блажка Ми Ева, Магдалена Добревска, Викторија Поповска, Слободан Петровски, Васил Шемковски, Амар Качар, Мила Миладиновиќ, Маја Симовска, Дарко Стојковски, Данче Станковиќ, Александар Костадиновски и други.
Нема коментари