Црвениот килим Billboard Awards откри краен невкус, исфорсирани и стајлинзи и погрешни експериментални и пренападни изгледи, па во целиот тој кич не беше лесно да се издвојат комбинациите кои беа успешни и пригодни за доделување на музички награди. Неколкуте позитивни стилски примери сепак беа засенети од мноштвото куч и невкус!
Меѓу подобро облечените ја издвојуваме Сиера која на црвениот килим се појави сребрен фустан од Филип Плејн, не многу оригинална креација, но пејачката изгледаше соодветно за ваков настан и со одличен стајлинг на шминка и фризура. Како водителка на настанот, Сиера смени уште неколку комбинации. Младата Зендаја сè повеќе се наметнува и со својот стил кој често ги надминува сите нормални модни норми, а вчера носеше беж комбинација од мини топ и макси здолниште со потпис на Келвин Клајн. Актерките Кристен Бел, Мила Кунис и Кентрин Хан позираа задно, а Кристен носеше корсет од Џонатан Симкаи, Мила краток фустан од Зухаир Мурад, Кетрин креација Алтузара.
Некаде помеѓу успешниот стајлинг и лошиот изглед се Деми Ловато, Џесика Алба, Кеша со добра идеја, но не толку добра реализација, а споредено со сè друго на црвениот килим, Кејт Бекинсејл не изгледаше толку лошо во овој генеричен фустан од српската дизајнерка Мелина Џиновиќ.
Сите овие комбинации можеби се далеку од совршени, но се подобри од ужасниот избор на Ријана, стајлингот на Бритни Спирс, потоа кичерајството на пејачката Хелси, инсталацијата на Z LaLa, па уште ред недефинирани комбинации кои дури имаат и турбофолк призвук, креации со лоши материјали, стриптизерски сандали… (К.Т.)
Нема коментари