Фото: Ани и Дими
Нема ништо поубаво од позитивните изненадувања. Особено кога мислите дека нема да се случат и дека сте подготвени и информирани за сè. Вчеравечер на својата деби-ревија на Модниот викенд-Скопје, Оливера Штакоска успеа да нè разоружа и разнежни, со својата иновативна, бохо-поетична и хипи- колекција, LACE . Очигледно растеретена од притисокот на актуелните трендови, од трката по клиенти за свадби и други свечености, направила искрена, до крај издржана линија. Застапени се долги фустани, кошули, елеци, изработени од тантела, памук, лен и волна, кои се збогатени со етно-елементи и везови. Стајлингот е комплетиран со ниски сандали, хипи- накит, чанти и појаси. Доминираат земјени тонови, кафена, циклама, зелена, крем и црна боја. Моделите имат романтична целина, за која допринесуваат и порабувањата со тантела, карнерите и транспарентните делови. Дизајнот од предниот дел на моделот завршува со инвовативни решенија на грбот, со отвори. (А.Н. Фото: Stylist.mk)
Фото: Ани и Дими
Фото: Ани и Дими
Нема коментари