Од козметичките куќи Dior, Guerlain и La Mer доаѓаат три нови пудри кои ја негуваат кожата, идеални се за зимските месеци и овозможуваат сјајен и природен излед
Guerlain L’essentiel
На прва го привлекува вниманието со шишенцето, дизајн на Матје Лене (еден од најдобрите светски продукт дизајнери), но поважно е што ќе ве интригира со содржината во него. Новата пудра на „Герлан“ нуди интензивна нега, постојана 16-часовна покриеност и ги измазнува порите и фините брчки. Има текстура која е лесна и се „топи“, што ја прави идеална да се нанесува во слоеви со што се моделира саканата покриеност. Направена е од 97% природни состојки и гарантира природен и суперсјаен финиш.
Lа Mer Luminous Lifting Cushion Foundation
Во козметиката во моментов актуелни се производите кои доаѓаа во формат на перниче, во таа насока луксузниот бренд La Mer ја претстави компактната Luminous Lifting Cushion Foundation SPF 20 La Mer. Овозможува сатенски финиш, ја хидрира кожата, има лифтинг ефект и заштита од сонце. Пудрите во cushion форма се идеални за оние што имаат потреба да ја корегираат шминката во текот на денот.
Dior Forever Skin Glow
Легендарната пудра Dior Forever, која холивудските ѕвезди ја сакаат за специјални прилики бидејќи нуди добра покриеност и има лесна тексура, сега доаѓа во нова и подобрена верзија на класичната формула – Skin Glow. Овозможува сјајен изглед (но не масен), во составот има состојки кои ја негуваат и хидрираат кожата, и е погодна за оние со сува и нормална кожа.
Нема коментари