Дизајнерката Марија Грација Кјури нè покани на патување по Истокот со новата колекција на Диор за пролет-лето 2021. Со ревијата на Диор вчера започна Париската модна недела, а настанот се одржа во павилјон во кој беа поставени уметничките дела на италијанската визуелна уметница Лука Маркучи, кои наликуваа на витражите во готските цркви.
Кјури тргнувајќи од мислата дека за време на пандемијата нашиот однос кон модата се променил, поттикнувајќи ги луѓето помалку да мислат на тоа како изгледа облеката, а повеќе на тоа како се чувствуваат во облеката, креира колекција во полежерен стил и со мека силуета. Бидејќи во ова ново време модните анализи предвидоа раст токму на удобната облека.
Дизајнерката на Диор најде компромис со идејата за удобна облека и претстави колекција во која доминираа наметки со ткаенини направени со икат техника, позајмена од Централна Азија. Влијанеото од Истокот се забележува и во моделите во вид на кафтани, облеката со кашмирен дезен, релаксираниот крој карактеристичен за источните култури, потоа палтенцата во манир на роба и кимоно, широки панталони, волуменозни туники и турбани на главата. Кјури креира и лесни и прозрачни модели од шифон, навезени со цветови, а со акцент на модните додатоци во вид на ниски чевли и сандали, чанти и накик со етно момент.
Нема коментари