Дваесет експерти од областа на дизајнот и дизајн образованието ќе одржат предавања на „Дизајн пракса“- Европската конференција за размена на научни и практични искуства во дизајн образованието што ќе се одржи денеска и утре во „Јавна соба“ и Европски универзитет Скопје. Тие ќе ги претстават своите идеи и предлози за унапредување на образованието и образување на квалитенти дизајн кадри кои полесно ќе го најдат својот пат до компаниите.
-Дизајн образованието во Макеоднија не е целосно нова дисциплина, но можеби поради причината што било застапено преку други студиски форми, не било никој пат потенцирано во пошироката јавност. Со појавата на приватните факултети за дизајн и отпочнување на Неделата на дизајн во Скопје, преку организирање на серија работилници за млади дизајнери почнаа да се раѓаат нови дизајн брендови кои зачекоруваат самостојно на пазарот. Со тоа, дизајнот добива сѝ повеќе на цена, а со тоа дизајн студиите стануваат поатрактивни помеѓу младите луѓе. Факт е дека на дизајн образованието во Македонија му се потребни реформи, каде преку овој тип на конференција на европско ниво ќе се разменуваат значајни искуства. Ова е од огромно значење на дизајн секторот и образованието воопшто-велат организаторите.
Конференцијата е дел од проектот „Дизајн пракса” кој се реализира со цел да се зголеми практичното образование во дизајн институциите, односно да младите дизајнери излезат од факултетските клупи со доволно знаење, искуство и вештини како би биле по атрактивни за компаниите. По шесмесечното истражување на состојбата во дизајн секторот во Македонија, Хрватска и Австрија, ќе се компарираат резултатите од трите земји ќе се нудат конкретни предлози за унапредување на програмите.
Конференцијата „Дизајн пракса“ е во организација на „Јавна соба“, Европски Универзитет на РМ, Скопје и компанијата „Завар“ во соработка со проектните партнери од повеќе европски земји. Проектот е поддржан од страна на Европската Делегација во Брисел, програмата Еразмус плус.
Повеќе информации за настанот и учесниците на следниов ЛИНК.
Нема коментари