Следете ја инспирацијата од пролетната колекција на парискиот моден бренд „Селин“ и направете неколку шик стратегии за уредување на домот. Сликарските и графити принтови од колекцијата може да се применат на ѕидовите, ткаенините на мебелот или на сликите закачени низ просториите. Базата на декорот се црната и белата, како примарни бои во моделите на „Селин“. Исто така, дизајнерите на брендот често ја користат неутралната палета на бои, па бирајте парчиња мебел токму во неутрални нијанси. Иако во повеќето модели на „Селин“ вметнати се смели бои како кобалтно сина, смарагдно зелена или канаринско жолта, тие се успешно балансирани со неутрални тонови како црна, бела и беж, а истиот принцип е инкорпориран и во ентериерот. „Селин“ како луксузен моден бренд внимава на ткаенините што ги употребува, затоа е важно да се обрне внимание какви материјали се бираат и дали финишот е луксузен.
Нема коментари