Група македонски креативци ќе даруваат прегратки за одбележување на Светскиот ден на гушкањето, во вторник (21.јануари) на големата донаторска изложба која ќе се одржи во „Концепт 37“.
Автор на постерот е Горан Костовски Indog
„Дизајнирани прегратки“ e настан во организација на „Млади за љубов“, кој обедини 15 домашни дизајнерски имиња, во убав проект за прослава на хуманоста и радоста. Ветуваат многу креативни изненадувања за дар од срце, по симболична цена за помош на продавачите од ,,Лице в Лице’’. Со своите изработки ќе се претстават: Ирина Тошева, Преплет, Ind Og, Нина Симовска – Just because, „Омајгад“, Hard to explain atelier, Флим, Тхе Мичо, Design & berries, Наке Батев, Ивана Батев, Фросина Илиевска, Стефани Павловска и Филип Конески. За убавата атмосфера, пак, задолжени се Game Over и Чваре кои подготвија диџеј сет со добра музика за весела дружба.
Украси и предмети за во домот од „Преплет“
Младинската организација „Млади за љубов“, во рамките на своите активности веќе 5 години успешно ја спроведува кампањата „Гратис Гушкање“ со работен концепт базиран на тимска работа која тргнува од мотото „повеќе љубов за луѓето”. Социјалната кампања има за цел да ја покрене свеста за љубов, филантопија и потребата да се сподели со другите.
Креација од Ирина Тошева и накит на Design & berries
„Лице в лице“ е дел од платформата за активизам, во чии рамки излегува истоименото улично списание на македонски јазик. „Лице в лице“ е независен медиум кој излегува еднаш на два месеци на улиците на Скопје, а го продаваат исклучиво најзагрозените, маргинализирани сограѓани. „Лице в лице“ го промовира моделот на социјално претприемништво во земјава, со тоа што преку продажбата на магазинот за продавачите се обезбедува редовен приход.
Блузони од Indog
Нема коментари