Познатата британска манекенка и актерка Кара Делевињ го откри својот нов лондонски дом на страниците на познатото списание AD. Таа купилa стара куќа во типичен џорџијански стил во западен Лондон и на оваа класика додала откаченост, бунтовност, многу јаки бои и необични решенија како неонски натписи на ѕидовите во собите. Многу ѝ се допаднало што куќата има високи тавани и големи прозорци, а истовремено приватност и класичен момент. Но Кара не е класична девојка, па морала да додаде нејзин печат, а за реновирањето и декорирањето на ентериерот го ангажирала семејниот пријател Том Барлет.
-Со повеќето клиенти седнувам на маса и го договараме проектот. Со Кара беше поинаку, се договаравме по FaceTime додека таа беше на разни континенти и во различни временски зони. Луѓето од SHL со скиците ја бркаа насекаде – открива Том.
Ова е навистина модерен пристап.
-Се сеќавам како разговараме преку видео врска, рано наутро во Лос Анџелес, јас во кревет и со куп скици околу мене – вели Кара за тоа како изгледал процесот на средување на куќата. Во сето ова многу помогнало тоа што се семејни пријатели и Том ја знае Кара од дете, па оттаму трпеливоста во координирањето.
Резултатот е декор кој ја отсликува Кара и нејизниот кул панкерски сензибилитет. Но, се чувствува и тоа што манекенката почнува да го истражува домашниот живот. На пример, Кара можеби не готви, ама почнува да се „плетка во кујната“.
Бартлет куќата ја декорирал во слоеви. Приземјето е простор за забава и дружење. Тука се музичката соба во која е сместена нејзината колекција на гитари и домашното кино – соба со виолетови и зелени ѕидови, удобни троседи на кои со пријателите гледа филмови. Неонската реклама Fries е закачена над барската количка, а зборува за тоа колку Кара ги сака оброците во Мекдоналдс.
Следиот кат е „простор за дружење на малку повозрасен начин“. Тука се кујната и трпезаријата кои се во неутрални бои, освен шарените столчиња околу масата за јадење. Еден кат погоре се спалните и тоа е простор кој нуди мирно прибежиште од бурниот животен стил на Кара. Овде има смирени бои, класични елементи како огледало од ерата на Џорџ III, но и модерни парчиња мебел. Зен атмосфера има во главната спална која е со поглед на градината, а расположението продолжува во купатилото во кое познатата уметница на мурали Сара Хокомб насликала облаци.
-На Кара ѝ се допадна идејата да лежи во када опркужена со облаци и са се опушти во романтична и бајковидна атмосфера после напорните патувања – вели Бартлет.
Првата посета на Кара на реновирата и уредена куќа била доста нервозна за Том.
-Беше чудно и возбудливо. Кара цело време ги држеше рацете под брадата… Но кога се качивме во спалната соба се смени нејзиниот став. Легна на креветот како некоја џиновска морска ѕвезда и не мрдна. Морав остатокот од состанокот и извештајот за сметките да го направам додека таа лежеше на креветот – се потсетува Бартлет.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари