Фотографката Ени Лејбовиц после неколку обиди неодамна конечно го продаде својот луксузен дом на Менхетан, Њујорк, а вчера беа откриено новите сопственици, Дејвид Лорен, синот на дизајнерот Ралф Лорен, и неговата сопруга Лорен Буш Лорен, внука на поранешните американски претседатели. Лејбовиц иако со години важи за успешна фотографка со многу ангажмани, сепак подолго време се соочува со финансиски проблеми и е приморана да продаде дел од своите имоти. Таа оваа куќа ја продаде за импресивни 28.5 милиони долари, иако првичната цена беше 33 милиони долари. Всушност се работи за три различни куќи во квартот Вест Вилиџ кои што датираат од 30-тите години на 19 век, споени во еден дом од околу 1.000 квадратни метри, опкружен со зеленило, има седум спални соби, пет купатила и дури 13 камини. Првите две куќи служат за живеење, додека во третата се наоѓаше фотографското студио на Лејбовиц.
Новите сопственици исто така се од светот на модата. Лорен е поранешна манекенка, креативен директор и коосновач на FEED Project, еколошки ожпроект преку кој им помога на децата во светот, а од доаѓа од семејството Буш – постариот Џорџ Буш ѝ е дедо, а Џорџ В. Буш чичко. Дејвид пак е син на познатиот американски моден дизајнер Ралф Лорен и работи како еден од извршните директори во модната компанија. Засега нема информација дали брачната двојка ќе го реновира домот кој беше комплетно уреден и креиран од страна на фотографката.
Нема коментари