Една од најуспешните амарикански телевизиски серии во поново време, American Crime Story, секоја сезона прикажува по една вистинска криминалистичка приказна што ја потресла американската јавност. По сезоната посветена на судењето на O Џеј Симпсон, ќе се снима и серија за убиството на модниот дизајнер Џани Версаче пред неговата вила во Мајами, а најавата за серијата повлече и потрага по глумците што ќе ги отелотворат главните ликови.
Според последниот кастинг, Едгар Рамирез ќе го глуми Џани, а улогата на неговата сестра Донатела ѝ припадна на Пенелопе Круз (иако се нагаѓаше дека во улогата на Донатела ќе се појави Лејди Гага). Но, ќе почекаме да ја гледаме оваа сезона од серијата, после приказната за О Џеј Симпсон, следат две сезони на American Crime Story посветени на американските претседателски избори и на ураганот Катрина.
Нема коментари