Во малото село Сен Пол д Венс на француската ривиера, во „Фондација Маег“, приватна уметничка фондација чии градини се полни со делата на Алберто Џакомети, Хуан Миро и Марк Шагал, се одржа модната ревија за ресорт 2019 колекцијата на „Луј Витон“. Креативниот директор на оваа модна куќа Никола Гескиер прикажа колекција со ексцентрични кроеви и фузија на еклектизмот од 80-тите со кодовите на „Луј Витон“, измеша неутралните бои со калеидоскопски нијанси, и направи мешавина на шарени металик-тексури, бохо принтови и LV монограмот.
Колекцијата содржи наметки и бомбер јакни со LV монограм, металик јакни со шари во стилот на 80-тите, сакоа со остри агли и блузи со пердуви, а манекенките што ги носеа креациите на „Луј Витон“ шетаа меѓу уметничките скулптури и ѕидните мозаици во дворот на фондацијата. Забележливи беа и модните додатоци, а покрај LV чантите, тоа беа хибридните чизми-патики, впечатливите очила, и ексклузивната серија на детали направена во соработка со познатата поранешна креативна директорка на Vogue, Грејс Кодингтон.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари