Познатата париска авенија Елисејски полиња (Champs-Élysées) ќе доживее трансформација и ќе се претвори пријателски расположен простор за пешаци, откако градоначалничката Ана Идалго даде зелено светло за голем проект за реновирање. Авенијата „Шанзелизе“ е една од најпознатите трговски улици во светот, располага со осум сообраќајни ленти и во должина од .19 километри се простира од Триумфалната капија до поштадот Конкорд.
Според новиот план на архитектот Филип Кјамбарета и неговото студио PCA-STREAM, двојно ќе биде намален сообраќајот, што ќе дозволи повеќе простор за пешаците кои ќе уживаат во пошироките тротоари и повеќе зеленило во, како што студиото ги нарекува „зелените дневни соби“.
Градоначалничката Идалго најави дека проектот ќе започне со реновирање на плоштадот Конкорд, што ќе се реализира пред почетокот на Летните олимписки игри што ќе се држат во Париз во 2024 година. После олимписките игри ќе почне трансформацијата на познатата авенија која ќе се добие изглед на голема градска градина. Големото зазеленување на авенијата ќе се подобри квалитетот на воздухот.
Трансформацијата има за цел да привлече повеќе посетители во област која, пред пандемијата, започна да го губи својот сјај, особено по понекогаш насилните демонстрации на антивладините демонстранти, таканаречените „жолти елеци“.
Идалго веќе подолго време работи на тоа да се реобмисли овој центарски дел од Париз, а комитетот за Елисејски полиња во 2018 година ја почна кампањата.
Пред Ковид-19 кризата да го запре меѓународниот туризам, архитектот Филип Кјамбарета, чија фирма ги подготви плановите за промена, рече дека на авенијата дневно поминувале 100.000 пешаци, 72% биле туристи, а 22% кои работат долж авенијата. Авенијата со осум ленти ја користеле во просек 3.000 возила на час, па овој дел се соочувал со проблемите на сите големи градови низ светот – загадување, место на автомобили, туризам и потрошувачка. Со новиот план ова градско подрачје ќе биде еколошко, пожелно и инклузивно.
Плановите на Идалго вклучуваат и претворање на областа околу Ајфеловата кула во „извонреден парк во срцето на Париз“.
Нема коментари