Модната куќа „Фенди“ нема да претстави само нова колекција со облека и со препознатливите чанти, туку и кафуле во рамките на познатата лондонска стоковна куќа Harrods. Модата, угостителството и хотелиерството често се спојуваат, па периодов освен „Фенди“, кафуле најави и дизајнерот Жакемус, а „Прада“ отвори пекара.
Италијанскиот бренд го отвори Fendi Caffe во Harrods, односно сезонско поп-ап кафуле дизајнирано од уметникот Џошуа Вајдс. Сè е во знакот на логото FF кое го има на тапетите и масите, врз пената на кафињата и инкорпорирано е во сладоледите. Во тематското кафуле ќе се служат кроасани, колачиња во облик на „Фенди“ чантите и разни торти со впечатливото лого.
Покрај храната и пијалаците, во Fendi Caffe има Peekoboo bar, односно место во кое гостите имаат можност да дизајнираат своја верзија на познатиот модел на чанта Peekaboo, така што ќе ги комбинираат елементите на чантата на свој начин.
Кафулето е од привремен карактер и се затвора на крајот на август.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари