Познатиот бренд на мебел ИКЕА оствари соработка со модниот дизајнер и архитект Вирџил Абло, сопственик на брендот Off White и новиот креативен директор на машката колекција на „Луј Витон“. ИКЕА и Абло ја најавија соработката прво со неколку фотографии, но поконкретен увид на колекцијата дадоа деновиве преку прикажување на неколку прототипови – во живо преку апликацијата Инстаграм.
Колекцијата IKEA x Virgil Abloh е наречена Markerad, наменета е за помладите и милениумците како што се студентите кои го планираат првиот дом. Според Вирџил ќе има обични предмети за домот кои тој ги репрограмирал и реконтекстуализирал. На пример, килимите со натписи може да се користат и како таписерии на ѕид. Во стаклените витрини може да се чуваат секакви предмети, а поради транспарентноста и нивната исложеност, парчето мебел станува и уметнички предмет. Обичната древна столица станува поинаква со ставање на друг предмет на едната ногарка, во случајов црвен стопер за врати. А ќе има и нова верзија на фамозната Frakta торба. Но, за целосната колекција ќе почекаме, бидејќи таа ќе се продава дури во 2019 година.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари