Британската актерка Тилда Свинтон е новото заштитно лице на козметичкиот бренд Nars. Платинестата 53-годишна ѕвезда со необичен андроген, скоро вонземски изглед е изборот на шминкерот Франсоа Нарс за кампањата на неговиот бренд за пролет 2015. Нарс самиот ја фотогрфираше Свинтон која ја што нарекува „жива легенда“ и „совршен избор“ за неговата реклама. „Како фотограф, работа со една актерка како Тилда е пријатно искуство. Таа е жива легенда. Јас го сакам нејзиниот храбар стил и навистинаѝ се восхитувам нејзината работа. Како актерка, таа е олицетворение на силна личност пред камерата, а како жена, таа живее на искуството на трансформација и изразување“, изјави Франсоа во врска со ангажирањето на Тилда.
Тилда Свинтон можеби не е симбол на женственост и класична убавина, но има нешто толку многу привлечно и магнетско во нејзината појава. Зрачи со отменост и поседува исклучително прочистна мисла за личен моден стил. Докажува дека без разлика на годините и на правилата за женско облекување (китење и шминкање) може да изгледа шик и безвременски. Нејзиниот моден стил е смел, а најчесто ги преферира слоевитите дизајни на нејзиниот пријател, дизајнерт Хајдер Акерман. Ги сака и креациите на „Ланвин“, „Селин“ и на „Џил Сандер“. Но, може да ја видите и во креации на „Шанел“, бренд кој претставува епитом на класичниот женски стил, но секогаш ги интерпретира на свој начин. Таа дури и позираше во една кампања на „Шанел“ во 2013 година пред објективот на Карл Лагерфелд.
Со својот пријател модниот дизајнер Хајдер Акерман
Како ретко кој друг Тилда успешно манипулира со машко-женските форми во облеката. Модните фотографи, музичарите и стилистие обожаваат да соработуваат со неа, а модните едиторијали и видео спотовите во кои учествува само го надополнуваат нејзиниот богат спектар на трансформации. Таа го редефинира андрогениот стил, како во своите филмови „Орландо“ и „Мајкл Клејтон“, така и во приватниот живот и личниот стил. Смела, футуристична, своја, надреална, бзвременска и беспросторна, Свинтон е една од најинспиративните личност на новото време. (К.Т.)
Во костим на Акерман
Заштитно лице на кампања на „Шанел“
Во модел на „Ланвин“
Ѕвезда на насловните страници
Едиторијал на Another Magazine
Со својот „двојник“ Дејвид Боуви
Нема коментари