Популарната апликација Инстаграм оваа недела ја отстранува опцијата Following со која имавме увид во тоа што следат, лајкаат и коментираат оние што ги следиме. Односно, поинаку кажано оние што ве следат сега нема да можат да видат кого заследувате или на која објавата „стискате срце“. Дали оваа би значело дека сите ние поопуштено можеме да се одесуваме на Инстаграм?! Бидејќи оваа опција ја сметавме за доста „демначка“…
Инаку, оваа опција беше лансирана во првата верзија на Инстаграм во 2011 година, пред опцијата Explore воопшто да постои, и служеше полесно да ги пронајдеме содржините што ни се допаѓаат преку луѓето што ги следиме. Бидејќи Explore со текот на времето ја презеде оваа функција, од Инстаграм велат дека веќе нема потреба од опцијата Following. Покрај тоа, не многу луѓе во моментов знаат дека оваа опција постои и дека другите луѓе можат лесно да ги видат нивните лајкови и коментари. Од почетокот на оваа недела, некои корисници веќе ја „изгубија“ споменатата опција, наскоро истото ќе се случи за сите корисници.
Нема коментари