Во сосема поинакво светло, во какво што не сме го виделе досега, оскаровецот Бен Афлек игра во новиот психолошки трилер „Исчезната“ (Gone Girl), кој од 2 октомври (четврток) доаѓа во нашите кина. Филмот во режија на славниот Дејвид Финчер, е направен по истоимениот бестселер на Џилијен Флин, која ги прикажува бракот и медиумите низ призмата на проблематичната економија. Во фокусот на приказната е атрактивниот брачен пар на њујоршки писатели, Ејми (Розамунд Пајк) и Ник (Бен Афлек) кои се приморани да се преселат во мало градче во Мисури поради финансиската криза и болеста на мајката на Ник. Од хармоничен и среќен пар, кој некогаш биле, стануваат несреќни, отуѓени и осудени да живеат во едно од најздодевните места на светот. На денот на нивната петгодишнина, Ник се враќа дома и затекнува превртена маса и неред во дневната соба што укажува на знаци на борба. Сфаќа дека жена му е исчезната и ја известува полицијата. Меѓутоа, набрзо станува главен осомничен за нејзиното исчезнување, а неговите лаги, измами и чудно однесување ги наведуваат сите да си го постават истото мрачно прашање – дали тој ја убил?
Според многумина улогата во „Исчезната“, е можеби најдоброто актерско остварување на четириесет и две годишниот актер, кој е двократен добитник на „Оскар“ ( за сценариото на „Добриот Вил Хантинг“, и за најдобар филм „Арго“).
Во интервјуто, кои е обезбедено од дистрибутерот на филмот за Македонија, MCF MKD, Афлек открива дека понудата за работа на овој трилер ја добил во моентот додека се подготвувал за својот следен режисерски ангажман. Признава дека „снимањето на овој филм било оставрување на сонот, а играњето на Ник Дан, некогашниот новинар, кој станува главен осомничен за смртта на својата сопруга било голем предизвик“. Ви пренесуваме дел од разговорот, кој е воден во Детроит, каде што Бен Афлек го снима својот следен проект, Batman v Superman: Dawn of Justicel.
>> Каква беше Вашата прва средба со „Исчезната“?
-Книгата беше голем хит во Холивуд. Сите ја читаа. Како што знаете, Холивуд е место каде што сè се врти околу една работа и сите зборуваат за тоа, додека не се појаво нешто следно интересно. И тоа беше тоа. Кога слушнав за бестселерот, го прочитав и навистина ми се допадна. Си помислив, „Боже, ова ќе биде тешко да се прилагоди во филм“. Потоа ја ставив на страна книгата и не мислев на тоа сè додека не добив повик кој велеше: „Дејвид Финчер сака да те запознае во врска со „Исчезната”. Во тој период се подготвував за друг филм, што требаше да го режирам, но шансата да работам со Дејвид Финчер беше остварување на сонот. Па така, го ставив на пауза другиот проект, што го работев, а од „Ворнер Брадерс“ беа доста прилагодливи. Добив шанса да го направам ова, што беше неверојатно , навистина возбудливо.
>> Кои беа Вашите први впечатоци од ликот што го толкувате, Ник Дан и од самата приказната воопшто?
- Знаев дека тоа ќе биде тешка ролја, пред сè поради начинот на кој публиката го доживува ликот, мораше да биде фино калибриран. Идејата дека со својата глума можеш да го смениш тоа што мислат за овој човек, оди заедно со приказната. Ниту Дејвид ниту пак јас сакавме да ја донесеме приказната на начин што не е реалистичен или не е драматичен. Па моравме да прилагодиме некои нешта. Тоа се работи кои на некој начин е најтешко да се направат. Бидејќи тие мора да бидат убедливи… „Ох, можеби тој го направил тоа“ … „Можеби тој не го направил тоа“ … Тој вид на работа. И ако не успеете да ѝ ги наметнете тие прашањана ум на публиката, филмот нема да успее.
>> Дали беше предизвик да се игра лик што е набљудуван? Како да толкуваш лик, кој игра одредена ролја.
- Да, мислам дека она што е навистина е важно, е темата на играње на улоги. Тоа беше навистина моќно за мене во овој филм. Начинот на кој медиумите те ставаат во одредени улоги: “Океј, ти ќе бидеш прекрасен сопруг” или „Ти ќе бидеш сопруг-убиец“ или, пак, “Ќе бидеш скандалозен заривач на нож во грб“ или што и да е. Лужето лесно ги претвораме во лесно сварливи архетипи за медиумите. И, се разбира, тука е и играње на улоги што се случува до врските. Знаете, очекувате нешто од некого, тие очекуваат нешто од вас во брачната врска, верна жена, послушен сопруг, и секогаш кога не се однесувате како што очекуваат од вас, настанува проблем. И кога Ник не се однесува како што се очекува, како сопруг што тагува, тоа навистина ги разгневнува луѓето штого следат преку медиумите. Мислев дека тоа е навистина интересно.
>>Вие сте некој што има искуство со обзервацијата на медиумите.
- Да, дефинитивно го имам искусено тоа во мојот живот. Иако како во филмот, бев окарактеризуван на начини целосно непрепознатлив за мене, но имаше и перидоди кога навистина не ми беше гајле како ќе ме престават, си велев „Не ми е гајле што ќе се случи , јас сум она што навистина, ќе оставам чиповитеда паднат каде што можат. Согледувајччи ги негативните ефекти што ги добив од нешто што е толку моќни, велев, „зошто ова Ви е толку важно, зошто оваа поттикнува толку многу непријателства?
>> Како ги воспоставивте потребната врска и интимност Розамунд? Во смисла дека треба да ја убедите публиката дека вите сте двајца кои меѓусебно одлично се познаваат. Но, претпоставувам дека не се познававте претходно.
-Тоа е незгодно со Рос, не можам данавлезам во било какво објаснување, без премногу да откријам од приказната за филмот. Не може да се навлезе толку во објаснување до одредена мера, и не ејасно колку од флешбековите се вистининти. .. Беше тешко, бидејќи процесот за запознавање беше скратен. Мораше да се постигне многу за релативно кусо време . Бидејќи снимањето беше напроно немавме време да седнеме и да се запознаеме со Дејвид , да зборуваме за своите родители и слично. Исто беше и со Рос. Таа е прилично мистериозна, речиси недопирлива, што мислам дека е навистна добро.
>>Што дискутиравте со Дејвид за време на снимањето?
- На пример, тој ми рече: „Види, не може да има било каква суета во оваа изведба. Ова е човек кој добива удари и чија темна страна се гледабледо“. Ми се допаѓа таа идеја. Од неодамна почнав да ја согледувам суетноста во филмовите, која ги прави изведбите нереални. Па реков: “Океј, јас сум за тоа, ајде така да направимеЌ Можеби тоа не би го постигнал со друг режисер, но со Финчер мислам дека би одглумел и текст од телефонски именик. И така, се обидовме да создадеме лик што ќе биде повистински, со кој ќе можеме да се идентификуваме со нив, во однос на неговиот брак и неговата врска… и за кој, исто така, ќе помислите дека може да ја убил својата сопруга.
>> Дали вашето искуство како режисер го промени начинот на глума или вашиот поглед кон актерството?
- Мислам дека режија ме направи многу подобро актер. Тоа е одлична школа за глума. Мислам дека секој актер кој има можност да режира филм, без разлика дали станува збор за долгомтеражен или кус, треба ја искористи. Можност да седнете од другата страна за време на процесот на аудиција, процесот на изведба на мониторот и можност за монтирање на перформансите , е многу едукативно. Барем така беше за мене – многу корисно во однос на признавањето на нешта кои ќе функциноираат и тие што нема да поминат добро.
Нема коментари