„Убавината е резултат на семе од големо блаженство или суштина. Суштината или исконската мудрост на препознавање на вистината на нештата сјае со убавина. Истата е феномен на кристализираната свест, постоењето, живеењето низ времето, просторот, материјата, енергијата. Универзалната убавина разлеана низ тајната на универзумот за која Никола Тесла рекол: Ако сакаш да ги откриеш тајните на универзумот, размислувај во однос на енергија, фреквенција и вибрации. “
Навидум комплексна, а едновремено толку едноставна, убавина е инспирацијата за новата колекција накит од инокс (медицински челик) на уметницата и дизајнерка Нина Нинеска. Овие уникатни парчиња накит од нерѓосувачки челик ќе бидат изложени на третото издание на Fashion & Lifestyle Expo ’18 што на 22 и 23 март (четврток и петок) ќе се одржи во фоајето на Македонската опера и балет.
-Прекрасно е кога природно се синхронизираат нештата, сами по себе се вклопуваат во една целина. Ова е прво мое претставување годинава со новата колекција на накит од инокс (аустенитен, нерѓосувачки челик AISI 316) исто така и прво учество на настанот Fashion & Lifestyle Expo ’18-вели Нинеска.
Нина Нинеска, која по професија е скулптор, е основачка на проектот и сајт „Модулар“
*Кои се основните каректеристики на новата колекција, во кој стил е, какви модели и форми се застапени, какви материјали користеше?
-Се’ уште се изразувам низ геометријата и основните облици, симболите: круг, квадрат, триаголник, шестоаголник, правоаголник, елипса, звезда, срце. Новата колекција ја сочинуваат обетки и алки од мини привезоци од овие форми. Секоја од формите во себе носи сопствена вибрација, како на пример:
Кругот е облик на космосот, женски ентитет. Што во себе го носи комплетирањето, вибрација на самиот универзум. Тоа е целинатакоја нема почеток и крај. Ја балансира левата и десната хемисфера на мозокот, и го поттикнува напливот на креативна сила.
Квадратот е машката ентитет, носи структурана цел и ред во животот. Кога постои нарушување во или околу вас или потребна ти е некаква структура цртајте квадрат.
Триаголникот е симбол на единство, баланс, како и создавање. Тоа е исто така симбол на манифестацијата, светлината, магијата и алхемија.Ако сте во процес на усовршувањена своите вештини цртајте често триаголници, често колку што можете. Ако сакате да манифестирате нешто материјално, цртајте триаголник со врвот надолу и вака поставен значи машко, сонце, татко. Но, ако сакате делото да претставува духовно исполнувње, остварување, се црта триаголниг со врвот нагоре и вака поставен исто така значи женско, месечина, мајка . Единствена форма која ги обединува значењата на сите форми. Со триаголникот се опишуваат сите пет елементи од кои е настанат материјалниот свет (простор, вода, воздх, земја, оган).
Биди убавина, уживај во минималистичкиот дизајниран накит од медицински челик.Нежната прецизна рачна доработка на овие парчињанакит му дава меко сјаен ефект, а со комплементарноста на материјалот, ви дава пријатно чувство, исполување, задоволство, радост, љубов.
*Ти си основач на брендот и сајт „Модулар“. Каква е идејата зад овој проект?
-„Модулар“ е првата онлајн креативна платформа во Македонија, заедница и продавница ексклузивно за уметност и дизајн со врвен квалитет, поддржана од фондот за иновации и технолошки развој. Врвен квалитет се делата кои имаат одлична изработк, дизајн и иновативна примена на материјали. Добредојдени се и оние кои употребуваат и рециклирани материјали.Креативната платформа е составена од три модули. Едниот модул е за Уметност – за слики, графики и скулптури и дигитални уметнички дела. Модулот Дизајн опфаќа широк спектар на дизајнирани производи од моден до индустриски дизајн, мебел и светилки. Значаен модул е иновативниот модулот Креирај, кој е суштината на создавањето. Овој модул овозможува врвна креација низ секојдневниот живот. Во рамките на настанот на 23, петок во 15 часот следува детално презентирање за отворање на онлајн продажна галерија на платформата „Модулар“.
*На какви проекти работиш изминатиот период и какви ти се плановите за скора иднина?
-Изминатив период се посветив на тестирање на иновативниот модул Креирај- кој е „главната локомотива“ на платформата и има задача освен да донесе купувачи и артисти од регионов и Европа да овозможи изработка на персонализиран подарок од хартија. Генераторот овозможува едноставен ко-креативен процес со прикачување слика од која автоматски се генерира фрактален дизајн кој се аплицира на одредена геометриска форма претходно избрана од корисникот. Со превземање на дигиталниот фајл за печатење корисникот добива целосно упатство како се употребува со можност да ја унапреди својата емоционална интелегенција. Креирај е креативен генератот во целосна смисла на функцијата креативност. Со избор на една од петте геометриски солиди: Додекаедар, Икосаедар, Октаедар, Хексаедар и Тетраедар, кои ги претставуваат петте елемент: простор, вода, воздух, земја и оган. Секоја форма има одредена способност. Тие вијаат благородно на собата/просторот во која се наоѓаат. Може да се употребуваат како објекти за втишување на умот (медитација). Низ овој процес се потикнуваат основните пет човекови вредности: вистина, мир, љубов, исправо дејствување, не-насилство-мирољубивост со петте човекови способности: совршено знаење, единство, истрајност, сталоженост, прониклиовост.
*Ти си уметник по професија. Како патот те наведе на создавање накит? Можели да ни ја раскажеш таа приказна, како почна твојата „авантура“ со накитот?
-Да, по професија сум скулптор, имам дипломирано на ФЛУ до сега имам остварено самостојни изложби и групни изложби, а фокусот на поставките е инсталацијата со цел мотивација за спојување со себе суштината-изворот. Истражувам со формата, просторот, светлината, звукот и нивната взаемно природна релацијата со човекот.Од пред неколку години влегов во применетата уметност со изработка на амбиентални светилки кои беа и елементи на инсталациите. Накитот отпочнав да го изработувам случајно по барање на љубителите, пријателите на кои им се допаѓаа иноксните објекти. Иноксот (нерѓосувачкиот челик)или медицински челик како материјал е совршен, јасно чисто прецизно го пренесува одразот на околината, светлината и со оваа негова особина додава дополнителна вредност на безбедноста во допир со било кој тип на кожа е пријатен и мек. Колекцијата на накит од нерѓосувачки челик до сега брои преку 60 модели на накит од инокс.
*Препознатлива си по твоите светлечки инсталации. Дали се’ уште твориш на тој план?
-Современиот дизајн на светилки, е еден од поубавите проекти кои успеав да ги реализирам. Колекцијата брои неколку дизајни од различен материјал освен светилките од инокс ги има и од плексиглас во боја и метал. Ги изработувам само по нарачка. Во процес е изработка и на новата колекција од дрво која е поврзана со петте платонски солиди.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари