Магичен ранец кој се претвора во здолниште, јакна и ранец кои можат да се носат заедно или одделно, престилка за готвење со нови функции, фустан кој станува чанта за плажа, органајзер на прибор за јадење, сет за врнежливи денови, и уште многу други повеќефункционални дизајни вчера беа прикажани на продажна изложба насловена „Вкусот на текстилот“ во „Јавна соба“. Се претставија неколку млади млади студенти од Институтот за дизајн и инженеринг на облека на Технолошко-металуршкиот факултет во Скопје, кои во ноември минатата година поминаа петдневна работилница во рамките на Skopje Design Week 2016. По тримесечен пост продукциски процес тие презентираа интересни модни и продукт дизајни направени од текстил.
„Производите се целосен пазарен новитет од аспект на функционалност, секој еден производ има две и повеќе функции, прилагоден е на урбаните очекувања и можности, лесен е за производство во соработка со локални производители што на некој начин го обезбедува опстанок на овие пионерски брендови и е гаранција за нивен понатамошен развој“велат организаторите, дизајн центарот „Јавна соба“. Се претставија Деспина Ангелеска,Тамара Ивковиќ, Марјан Бебекоски, Ангела Доневска, Софија Грозданова, Христина Христова, Медаин Аслан, Ева Кравченко, Даниела Ѓуровска, Валмира Бучи и Мимоза Исмајли, а ментори на проектот беа Тамара Георгиевска, Ива Jанковиќ, Александар Велиновски.
Нема коментари