Луксузната модна куќа Луј Витон ја откри својата кампања за ресорт колекцијата за 2023 во која се појавува актерката и долгогодишна амбасадорка на брендот Џенифер Конели. Таа ја промовира колекцијата во нео-футуристичен стил која што е инспирирана од сонцето, со рефлектирачки изглед кој служи како точки на контакт помеѓу светлината и оној што ја носи.
-Како на утописки премин, колекцијата може да се види или како го слави сонцето или да обезбеди заштита од него. Од изгледот што евоцира пустинска клима до металните тонови што ги рефлектираат сончевите зраци, креациите го истражуваат контрастот помеѓу структурираните конструкции и флуидниото драпирање – објаснуваат од Луј Витон.
Актерката Конели позира пред соларни панели отелотворувајќи ја визијата на дизајнерот на брендот Николас Гескиер и го прикажува номадскиот изглед на колекцијата во разновидна палета на материјали кои ја рефлектираат светлината.
Нема коментари