Со висок стил и елеганција подеднакво добро носи високи потпетици и патики, чизми и сандали. Една од најдобро облечените жени на денешницата, Оливија Палермо, со секое свое јавно појавување инспирира. И во своите свечени и во лежените изданија знае да изненади со некое парче купено од хај-стрит брендовите. Умее од не толку скапи и едноставни модели да направи да изгледаат луксузно.
Црните патиките на платформа во елегантна варијанта-како баланс во комбинацијата на две шари, панталони и кошула со коцки
Еден од трендовите на минатата година, што се очекува да се носи и оваа- патиките на платформа, се најдоа и во нејзиниот ормар. Станаа едно од нејзините омилени парчиња што умешно го комбинира во спортска, елеганта, секојдневна и вечерна варијанта. Секогаш со кул и шик ефект. Палермо лани повеќе пати беше уловена со црните патки на бела платформа од Sol Sana.
Овој тип на патики, иако навидум изгледаат како лесно прилагодливо парче, сепак не се толку едноставни за комбинирање. Таа ги носи со тесен искинат џинс, со каро- панталони, кожени хеланки, широки црни панталони и со крем молив модел. Ги спојува со различни големини, бои и стилови на чанти.
Идеален спој со кожени црни панталони, карирана кошула и кожена јакна. Стајлингот е освежен со црвена чана
Зимска класика од уличната мода- патиките во комбинација со тесни сечени фармерки и плетена ролка со волумен,
Модерна комбинација за деловен изглед-Црните патики на платформа одлично одговараат со креам молив панталоните, неутралнате блуза, црниот капут без ракави и големата црна чанта
Урбана комбинација на пончо, карирана кошула, темни тесни панталони и впечатлива чанта
Нема коментари