Њујоршкиот музеј Метрополитен, наводно, подготвува голема ретроспективна изложба посветена на животот и делото на легендарнит моден креатор Карл Лагерфелд, а која може да се очекува во 2022 година. Од музејот не потврдуваат, ниту негираат дека се подготвува изложба посветена на креаторот, а се поавија и гласини дека тоа ќе де темата на МЕТ Гала.
Музејот Метрополитен во 2005 година беше домаќин на изложба фокусирана на „Шанел“, модната куќа во која Лагерфелд беше креативен директор цели 26 години. Славниот дизајнер го мразеше зборот „ретроспектива“, претпочитајќи повеќе да гледа нанапред отколкуна назад. „Тоа е една од болестите на нашето време – да гледаме наназад. Не, заборавете го тоа. Модата е сега и утре. Кој се грижи за минатото?“, имаше изјавено свовремено Лагерфелд.
Настрана неговите лични чувства кон концептот ретроспектива, изложба која го истражува модното наследство, личноста и најголемите колекции на Лагерфелд, несомнено, ќе биде блокбастер за Метрополитен и ќе привлече посетители од целиот свет.
Метрополитен сè уште ги нема откриено планови за својата изложба во 2020 година, кога се одбележува 150-годишнината од почитуваниот музеј, освен тоа што темата ќе биде инспирирана постојаната колекција на Институтот за костуми.
Нема коментари