Британската актерка Кира Најтли деновиве крена голема фама со појавувањетопо трет пат во јавност со ист фустан. За приказната да биде уште поинтересна, креацијата од Chanel Couture таа ја носеше и на својата венчавка. Според многумина, таа одржа лекција за тоа како треба да се рециклира облеката.
Во нежниот бледовиолетов модел првпат зачекори на црвениот килим во 2008 година, придружувана од нејзиното тогашно момче, актерот Руперт Френд, на забавата за наградите БАФТА. За истата креација се одлучи и во мај оваа година, кога се омажи со Џејмс Рајтон. Во таа прилика изгледот го комплетира со бело твид палтенце, балетанки и Ray Ban очила. Дваесет и осумгодишната актерка последен пат се појави во овој фустан во вторникот на галата Serious Fun во Лондон, комбинирајќи го со златни сандали од Jimmy Choo.
Нема коментари