Филмот „Барби“ на Грета Гервик во моментов се промовира во повеќе светски градови, што потикна „барбиманија“ која се надоврза на барбикор-трендот, а следат и повеќе соработки со модни брендови. Еве ја и последната со брендот Зара во вид на капсулна колекција инспирирана од славната кукла Барби.
Колекцијата Zara x Barbie содржи широк асортиман на облека, модни додатоци, пижами, производи за убавина и за домот, а дизајните на Зара претежно ги опфаќаат розовите нијанси и привлечноста на светките. Фустаните, тексас парчињата, торбите и сандалите заземаат централно место. Од безвременскиот розов и бел принт од гингам кој потсетува на класичната Барби до поразиграните парчиња инспирирани од вестерн-иконографијата, како што е розовиот тексас во комбинација со каубојска шапка, колекцијата нуди разновидна палета на изгледи. Кампањата за колекцијата како да е дел од филмот – сместена во идиличниот свет на Барби со куќи во ретро стил и амбиент со многу палми.
Нема коментари