После 28 години француското електронско дуо стави крај на „Дафт Панк“, а веста ја огласија со помош на осум-минутното видео наречено „Епилог“ во кое еден од членовите ќе експлодира и другиот ќе чекори накај изгрејсонцето. Ги-Мануел де Омем-Кристо и Томас Бангалтер кои го формираа „Дафт Панк“ во 1993 година, се појавуваат во видеото со препознатливите роботски кациги на глава и симболично најавувааат дека дуото се распушта. Нејасно е дали „Епилог“ сугерира дека еднот член ќе продолжи со бендот без другиот, бидејќи видеото завршува така што едниот член оди кон изгрејсонцето, што можеби сигнализира ново поглавје. Долгогодишната публицистка Кетрин Фрејзер ја потврди разделбата, но не даде коментар за видеото. Во „Епилог“ се користени снимки од нивниот филм „Electroma“ (2006).
Ги-Мануел и Том се сретнале во 1987 година во Париз и после една негативна рецензија на нивниот прв бенд „Дарлин“ (чија музика била наречена „a daft punky thrash”, што во слободен превод значи „глупаво панк ѓубре“), ќе го основаат дуото „Дафт Панк“, влечејќи го името токму од лошата критика. Следи успех со првиот албум „Homework“ и големиот хит „Around the World“, уште три студиски албуми, музика за филмот „Tron: Legacy“, де Омем-Кристо го режира нивниот филм „ „Electroma“, награди и соработки со Фарел Вилијамс, Најл Роџерс, а зад себе оставаат наследство како едни од најинтригантните и мистериозните електорнски музичари.
Нема коментари