Кога францускиот инвеститор Кристиан Бурде нарачал кај 15 архитектонски фирми проекти за куќи за одмор што би се изградиле во Шпанија, почнал да добива нацрти од архитекти од целиот свет. Архитектите добиле слобода да претстават каков било концепт кој е во границите на зададениот буџет, а резултатот е модерни куќи со невообичаени форми. Серијата на Бурде е наречена Solo Houses, а куќите евентуално би се изградиле во шпанскиот регион Матарања.
Еден од повпечатливите проекти е куќата за одмор во форма на бетонска превртена пирамида, предлог на TNA (Takei Nabeshima Architects) од Токио. Позиционирана на рид, превртената пирамидална структура се состои од четири ката, вклучувајќи покрив со базен. Додека надворешните нацрти покажуваат претходна верзија на дизајнот, каде базенот се наоѓа надвор од структурата, поновите интериорни нацрти ја прикажуваат најновата итерација на дизајнот, во кој има помал базен на покривот на објектот.
Влезот и дневната соба се позиционирани на два посебни мезанини, додека во приземјето централни место има трпезаријата, заедно кујната, оставата и собата со машинерија. Прозорите се накосени и ја следат пирамидалната форма. Од трпезаријата има две одделни скалила, едните водат кон дневната и трите големи спални соби поставени околу периметарот на зданието, другите накај влезот на куќата и потоа кон покривот и базенот.
Веб-страницата на Solo House ги опишува куќите како „колекција на уникатни резиденции/викендички дизајнирани од новата гарда на млади меѓународни архитекти“. Тие се градат во Матарања, во североисточниот дел природниот парк „Елс Порт“, помеѓу Барселона, Валенсија и Сарагоса, и ќе бидат опкружени со 100 хектари земја.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари