Септемвриски „Љубовен базар“ в четврток

Од stylist @StylistMKD · На септември 11, 2017

ljuboven bazar
По летната пауза, на 14 септември (четврток) во скопското кафуле „Љубов“ со почеток во 17 часот ќе се одржи 24. издание на традиционалниот базар на модни додатоци и украси за домот. На септемврискиот „Љубовен базар“ ќе може да се погледнат и набават уникатни модни додатоци, чанти, накит и разни други украси изработени од глина, дрво, кожа, метал и ќерамика. Под мотото #SupportTheArtist ќе се претстават 11 креативци: Curious Leather Crafts Macedonia, Woodyz – Wooden handcrafted bowties, Mei Ro, Дејана Петрушевска со Foreground Totebags, Bulberry, Варвара Николова со Va Dot, Pocket Gallery, Em Ellephantski, Alma Idrizi Art, Александра Павловска со Creations by Alex и кожната индустрија Horvat.
-За сите гладни работни луѓе и овој пат со нас ќе бидат Breakfast Club Skopje со нивните вкусни сендвичи, за музичкиот избор ќе биде задолжен Алек Пулиос. Доколку решите да се нарачате некој од коктелите на Опра, Бриџит Џонс или Џон Клиз има шанси да добиете ваучер со попуст во Literatura.mk- велат од „Љубов“.