Во светот на манекенството да се биде лице на рекламна кампања е исклучително важно и во светски рамки неретко успехот се брои според бројот на снимени кампањи. Успех е и кога македонските маненекените кои што градат светска кариера ќе се најдат во некоја интернационална модна кампања. Алек Наумовски од модната агенција „Моделс ин“ направи преглед на поновите ангажмани на моделите од неговата агенција кои се појавуваат во светски промотивни кампањи.
Елена Реи за Cerruti 1881
„Сите сакаме да гледаме убави и впечатливи модели во модните и рекламни кампањи кои нè опкружуваат. Секој посакува да биде главен лик на постерите и билбордите и токму затоа секој модел сонува да фати некоја добра кампања. За некои од нашите модели тоа се веќе остварени желби, или барем за оние кои веќе се имаат етаблирано како професионални модели со интернационална кариера. Нашиот топ модел Елена Реи во моментов е актуелна со кампањата за Cerruti 1881 и може да ја видиме на реклами во сите главни европски центри. Покрај тоа нејзиниот лик преку кампањата за накит Belpearl ги красеше саемите во Копенхаген, Мјанмар и Џакарта – вели Алек.
Јована Нешова е заштитно лице на козметичката куќа Bleunuit
Елена Реи изминатиов период сними и други кампањи меѓу кои се оние за Massimo Dutti и за Samsung. Алек ја издвои и Јована Нешова која веќе три години гради интернационална кариера, а неодамна беше во центарот на вниманието со нејзината кампања за козметичката куќа Bleunuit и со нејзиниот лик на билбордите го разубавуваше центарот на Шангај и на Пекинг. Од машките модели ќе го спомнеме Павле Николовски кој пред само два месеца беше заштитно лице на брендот Barbosa, па неговиот лик го преплави Балканот.
Алек Наумовски горд на успехот на Павле Николовски како заштитно лице на брендот Barbosa
На сите тројца матична агенција им е „Моделс ин“ од Скопје, а нивниот менаџер и букер Алек ќе рече: „Јас сум повеќе од среќен и нескромно горд на нив, нивниот успех е порака дека сум на вистинскиот пат да работиме уште повеќе за да ги гледаме и во иднина нашите топ модели насекаде низ светот. Нивниот успех секако се запишува во историјата на македонската мода“.
Елена Реи (во средина) во кампања на Samsung
Лицето на Јована Нешова на билборди низ Кина
Елена Реи го рекламира и накитот на Belpearl
Павле Николовски во реклама на брендот Barbosa
Нема коментари