Познатото списание National Geographic направи листа од 30-тина светски дестинации кои треба да се посетат во 2019 година и ја вметна и Македонија како едно од највозбудливите места во кои треба да оптатувате. Македонија е на листата заедно со светски градови, држави и атракции како Мексико Сити, перуанскиот дел од Амазон, Баухаус турнеја во Германија, и други места во Кина, Сенегал, Франција, Нов Зеланд, Виетнам, Гренланд, Оман, Француска Полинезија, САД, Египет, Ирска, Мозамбик…
Според списанието Македонија треба да ја посетите „за да ставите име на авантурата“. „Македонија можеби нема брег, но е ‘смешно’ богата со планини и езера. Извишените врвови, длабоките клисури и водопадите ги благословуваат трите национални паркови на земјата Галичица, Маврово и Пелистер,“ пишува National Geographic и предлага кајакарење во Охридското Езеро, едно од најстарите и најдлабоките езера во Европа, и летање со параглајдер над Пелагониската долина со старт од македонскиот параглајдерски центар Крушево, највисокиот град во државата.
National Geographic и претходно има пишувано за Македонија како предлог дестинација за патување, во наслови како „100 места што ќе ви го сменат животот“, и неодамна на насловната страница ја стави охридската црква Св. Канео.
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари