Во креативниот центар МАЛА то тек е самостојната изложба на Елена Поповска, „Срцето на воинот“, која сите љубители на уметноста ќе можат да ја посетат до крајот на годината. Во МАЛА на Илинденска 65 се развиваат нови соработки, настани од областа на дизајнот, перформанси, инсталации и други креативни активности кои поттикнуваат аинтересираност кај посетителите.
Елена Поповска е родена во Скопје и е самоук сликар, а по професија дипломиран забен техничар. Својата креативна наклонетост и талент за сликање ја негува од детството. Последните 8 год. интензивно се занимава со сликарство.
Динамичниот технички пристап и интензивниот колорит на сликите се насликани во акрилна техника. Меѓусебно се надополнуваат во една впечатлива моќна наративна целина која раскажува за предизвиците и вредностите на современата
средина во која живееме. Во концептот застапено е прикажувањето на човечки ликови кои претставуваат рефлексија на сегменти од лични доживувања и искуства на авторот. Формата ја следи емоцијата.
Учествувала на саемот за современа уметност In Situ во 2018 година. во МКЦ, првата самостојна изложба ја реализира во 2019 год. Која беше изложена на повеќе локации во Скопје. Во октомври 2020 год. ја реализира втората самостојна
изложба во Концепт 37 а во јули 2021 година е дел од Мултимедијалната изложба „Белегот на времето“ во Мала станица Скопје.
Нема коментари