Големината на еден бренд се мери по производството, продажбата и заработката, но и по слухот за потребите на пазарот. Во модната индустрија одамна има потреба од проширување на понудата за луѓе што не влегуваат во рамки на класичните броеви за облека и чевли, поединци што имаат потреба од поголеми или помали броеви. Но малку од модните куќи ја „покриваат“ оваа клиентела со редовни сезонски и трендовски колекции. Наместо да ги „осудува“ да трагаат по демоде модели или да шијат креации, брендот за секојдневна облека „Манго“ одлучи на своите клиенти со поголеми конфекциски броеви да им понуди урбана линија, што ќе ги задоволи естетските и модните потреби. Така, ја лансира колекцијата со креации со плус величини, за девојки со облини, која е наречена „Виолета“. Моделите се младешки, со висок квалитет и силен личен печат. Создадени се повеќе од 400 парчиња: облека и модни додатоци, чиј број ќе расте на месечно ниво.
Деновиве беше лансирана и каталог за престојната сезона, есен-зима 2014, каде што манекенката Робин Лоули позира со новите шик модели, панталони и фустани со принт, еднобојни капути и мантили, кошули, кожени јакни, фармерки, блузини… Фотографиите се снимени во урбана средина, што одговара на кежуал имиџот на линијата.
Нема коментари