Во последниве години модата внимателно се посвети на жените со облини и оние кои носат поголеми конфекциски броеви, нудејќи им трендовски колекции, за разлика од немодерната и широка облека без форма, која им беше претходно на располагање. Колекциите со предзнакот плус-величина сега нудат исти стилови како и оние со броеви 34/36/38/40, но во малку поголеми димензии, и кои им се обраќаат на различни генерации на жени. Но, пионер во продуцирањето на модерна плус-сајз мода е италијанкиот бренд Marina Rinaldi, која уште во 80-тите години го претстави концептот “taglia comoda“ (во букваленпревод „удобна големина“). Брендот се наметна како водечки во делот за женска облека со големи конфекциски броеви, а кој во исто време го следи италијанскиот смисол за стил и ја слави женската убавина. Идејата е да не се сокрие женското тело во широка облека и жената да изгледа неуредно, туку да се слави вистинската убавина, слободата на изборот и позитивниот став кон секаква градба. Облеката треба да ја комплиментира женската линија, да изгледа убаво на жени со различна градба. Брендот Marina Rinaldi е еден омилените затоа што се обраќа и на повозрасните, бидејќи ретко се произведува модерна облека за повозрасни жени со облини. Брендот исто така внимава да употребува квалитетни материјали, да ги следи актуелните трендови и да креира во весели шари и бои, што може да се види и од следниве креации за пролет-лето 2020.
*Не е дозволено пренесување на содржината на www.stylist.mk без одобрени на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари