Модната блогерка Мартина Неделковска, која стои зад Go with the flow (glamurp.blogspot.com), за оваа пролет предлага мининалистички израз, кроеви позајмени од машкиот ормар, парчиња инспирирани од 90-тите, 80-тите и панк-сцената и впечатливи детали. На нејзината листа со топ-5 must have модели за оваа пролет се: садо-мазо ѓердан, целосни фармерки, црвени мачкасти очила за сонце, леопард принт еспадрили и сако елек.
1. S&M choker
По излeгувањето на филмот Fifty Shades of Grey сè што е на тема S&M стана популарно. Иако овој choker ни е доволно познат и од претходно, од 80-тите и панк-сцената, го предлагам овој детаљ бидејќи е поразличен од целокупниот накит кој во моментов е во тренд. Делува едноставно и софистицирано и се комбинира со сè.
2.Целосни фармерки (dungarees)
Кога ќе се каже „комбинезон фармерки“, веднаш се добива слика на работничка униформа. Тие се толку кул, што скоро секоја втора сезона се навраќаат на модната сцена. Имаат некој tomboy шарм и секогаш делуваат свежо на око.
3. Црвени мачкасти очила за сонце
Нормално дека листата за пролет-лето додатоци не може да биде комплетна без очила за сонце, а мојот избор паѓа на овие црвени мачкасти очила. Веднаш забележливи и тотално ретро, за девојка што сака да отскокне од толпата на кој било фестивал или плажа.
4.Еспадрили со леопард принт
Овој тип на Vans чевли, односно еспадрили, се провлекува уште од 90-тите, а познатата модна куќа Celine ги дигна во стратосферата со нивната колекција пролет-лето 2013. Оттогаш, сите high street продавници излегоа со своја верзија и со различни принтови. Според мене, еспадрилите со леопард принт се своевидна класика и треба да бидат дел од сечија гардероба оваа пролет.
5.Сако елек (Boyfriend Blazer Vest)
Интересен twist на класично парче облека, поготово погоден за пролетниов период. Секоја жена треба да има сако во својата гардероба, а јас го предлагам овој минималистички и модерен тренд.
Нема коментари