животен стил со... 0

Микро кактуси и сукуленти нов тренд во одгледување растенија

Од @StylistMKD · На јуни 8, 2021

mikro kaktus

Кактусите се едни од најневообичаените и најотпорни видови растенија и тие дефинитивно треба да се најдат во вашата домашна градина. Кактусите заедно со сукулентите се особено погодни за оние што не се снаоѓаат лесно со одгледувањето на куќни цвеќиња и растенија, бидејќи не изискуваат строга и секојдневна нега. Но, сега се појави нов тренд на чување кактуси во екстра мини формат и тие веднаш станаа хит на Инстаграм. Што не изненадува, бидејќи изгледаат преслатко.


Велат дека 2021 е година на кактуси, а овие микро кактуси и сукуленти ги популаризираше еден градинарски расадник од Флорида, O’Berry’s Succulents, кој специјализира одледување мини билки. Тие се продаваат во мини саксии насликани со разни мотиви.

Како растителен вид мини кактусите не се разликуваат премногу од оние во нормални димензии, и покрај тоа што се генетски модифицирани. Иако кактусите растат во пустинска клима, што значи сакаат многу сонце, треба да се внимава како се чуваат, бидејќи и тие можат да изгорат доколку се на директна сончева светлина позади стаклен прозор.


Да, се препорачува да се чуваат покрај прозор кој гледа на југ, но доколку забележите дека растението добива жолта или кафена боја, односно почнува да се суши, треба да се стави на друго место за да се олади. Во летните месеци кактусите и сукулентите можете да ги ставите на отворено на тераса, но повторно внимавајте да не се спржат на јакото сонце.

Треба да се внимава колку често се поливаат со вода. Како пустински растенија не бараат многу вода, имаат способност да преживеат суша, но тоа не значи дека можат да опстојат без вода. Доколку решите да чувате кактуси и сукуленти, информирајте се за негата со вашиот цвеќар или расадникот од каде што ги купувате, кај нас има голем избор на овие растенија и тоа и во помали верзии. Можеби нема да најдете микро кактуси, ама затоа уживајте во нив преку Инстаграм објавите.

View this post on Instagram

A post shared by VERDE VIDA (@_verde_vidamx)

Можеби ќе Ве интересира

Нема коментари

Остави одговор