Ќе се смени ли модниот календар каков што го знаеме со децении?!

Дизајнерите и модните куќи периодов се сè погласни со идејата да се смени класичниот сезонски пристап на претставување на колекциите и модниот календар на кој со децении сме навикнале – претставвање на сезоните пролет-лето и есен-зима на ревии на настани од форматот модна недела. Пред неколку недели од „Сен Лоран“ најавија дека нема да учествуваат на Париската модна недела, а слично размислува и креативниот директор на „Гучи“, Алесандо Микеле. Тој деновиве најави дека го напушта исцрпниот ритам на сезони и ревии и дека ќе се претставува два пати годишно за да го сподели новото модно поглавје. Микеле вели дека поставува нов пат и ќе го намали бројот на ревиите на „Гучи“ од пет на две годишно.

-Го напуштам ритуалoт на сезонски колекции и модни ревии со цел да се добијам нов резултат. Сега веќе можеме да зборуваме за мода без сезони, што значи дека клиентите можат да се фокусираат на стиловите на облека што им се допаѓаат, наместо да ја подновуваат гардеробата со најновите трендови. Првиот чекор го направи „Сен Лоран“, кога го скрши традиционалниот календар на модни настани и најави дека нема да учествува на септемвриската модна недела во Париз. Пандемијата на вирусот Ковид-19 го потресе модниот свет до срж. Сите брендови, без разлика дали се големи или мали, чувствуваа потреба да го преиспитаат традиционалниот систем – поставен многу пред ерата на Интернет и глобализацијата – што долго време ја водеше оваа индустрија, од поставувањето на ревија до продажбата. На еден форум, предводен од белгискиот дизајнер Дриз Ван Нотен и група помогната од Business of Fashion, беа објавени предлози за трансформација на бизнисот во мода. Останува клучното прашање: кој ќе им се придружи? „Сен Лоран“ и „Гучи“ припаѓаат на францускиот конгломерат „Керинг“. Нивниот конкурент LVMH, најголемиот луксузен конгломерат во светот, со брендовите „Луј Витон“, „Диор“, „Фенди“ и „Селин“ засега молчат – смета Микеле.

Коронавирусот веројатно само го забрза процесот на менување на постојаниот моден календар и класичните модни недели, нели? Дали е време за нов моден систем?! Помалку ревии и мода без сезони?! Посодржајно и помало производство, што позитивно ќе влијание на квалитетот и креативноста?!