Њујоршката модна недела е во полн ек, дизајнерите ги предлагаат колекциите за есен-зима 2015/16, а посебно внимание предизвика претставувањето на новата колекција на Викторија Бекам, која со секоја наредна колекција покажува дека станува сè посериозен играч во модната индустрија. Поддршка, како и многупати претходно, доби од семејството, сопруг Дејвид Бекам и четирите деца кои ја гледаа ревијата од првиот ред, веднаш до Ана Винтур, уредничката на американски Vogue. Три и пол годишната Харпер, ќерката на Викторија и Дејвид, внимателно ја следеше ревијата, што наиде на одобрување од Винтур, на која воопшто не ѝ се допадна врискањето на Норт за време на настапот на нејзиниот татко Канје Вест пред неколку дена.
Бруклин, Дејвид и Харпер Бекам заедно со Ана Винтур ја следеа ревијата на Викторија
Викторија Бекам продолжува во препознатливиот стил на луксузен и софистициран минимализам, но сега развива и покомплексни текстури и кроеви, волуменозни џемпери и здолништа со 3Д ефект. Во колекцијата за есен-зима 2015/16 Бекам предлага серија на волуменозни капути со органски облик, елегантни фустани, килот-панталони и здолништа на преклоп. Користи смирена неутрална и темна палета на бои, но вметнала и бела и позагасита нијанса на портокалова боја. Низ целата колекција за провејува суптилен секспапил и софистицирана преобразба на класичните модни парчиња.
Ана Винтур со својата ќерка Би Шефер
Дејвид со Бруклин, Круз, Ромео и Харпер доаѓа на новото модно претставување на Викторија
Нема коментари