Модната уредничка Бојана Максимовска предлага топ трендови за оваа сезона

Од Катерина Трајановска · На септември 27, 2016

Улогата на стилистот и модниот уредник е постојано да ги лови и анализира модните тенденции, да ги вметнува во нови стилски приказни и да ги претстави пошироката публика. Таква задача има Бојана Максимовска која по повеќегодишна искуство на домашната сцена, во последнава година се потпишува во новиот магазин „Портрет“. Таа за Stylist.mk направи селекција на топ трендовите за сезоната есен-зима 2016/17, ни откри кои модни додатоци веќе ги купила и избра најдобри македонски колекции и топ бјути трендови.

Избор на топ 5 тенденции за есен-зима 2016/17

1. Ѕвонести и oversized ракави

2. Чокери што се впечатливи и масиви (за разлика од оние кои ги знаеме и беа модерни во 90-тите)

3. Кадифе.Почнувајќи од кадифената облека, па се до кадифените чевли и чанти

4. Блузони. Луксузниот комфорт е главниот печат на оваа сезона, па дури и високата мода се претопи со уличната

5. David Bowie или Spice Girls чизми на дебела потпетица. Трендот што најмногу ме изненади, но воедно и израдува како љубител на „грди” чевли

Трендови од новата сезона што ќе ги применам во личниот стил…

Во многу мал број на работи можам да се пронајдам оваа сезона. Можеби машкиот крој на одела што ги претстави Calvin Klein и светкавите колекции на Fendi. Е да, од нив сè би сакала Нешто што веќе го купив се кадифени чизми до глужд на средно висока потпетица и знам дека ќе ми бидат No.1 цела сезона. Бидејќи некако се фокусирав повеќе на додатоци, сигурна сум дека многу скоро ќе се почестам со една чанта со Guitar Straps, нешто налик на оние што ги претставија Burberry и Lanvin.

Топ место за шопинг во Скопје …

Се разбира Skopje City Mall. Пред сè заради работата, бидејќи ми е директно врзана со голем број брендови што се наоѓаат таму, а уште повеќе бидејќи сакам да купувам и можам да шетам по продавници секојдневно без да ми е проблем. Искрено посакувам да стигнат уште повеќе брендови и да се отворат повеќе шопинг молови, затоа што во Македонија има голем број на луѓе што сакаат да експериментираат со стилот, но изборот сè уште е многу мал.

Најдоброто од македонските колекции…

Унисекс колекцијата на LUDUS која е составена само од црно бели парчиња ми е омилена периодов. Токму поради тоа што претстави нешто сосема поразлично, едноставно, а сепак Statement Wear. Нешто што недостигаше на нашата модна сцена. Колекциите на Mustela Ermin и Markov исто така ја обележаа оваа сезона во Македонија. Јована Филиповиќ веќе неколку години со ред одржува едно високо ниво на професионалност и посветеност, па затоа и нејзините парчиња континуирано се вбројуваат во најуспешните.

Топ 5 бјути трендови за оваа есен…