Пријателството на култната манекенка Кејт Мос со Александар Меквин и Марк Џејкобс, едни од најголемите имиња што доминираа со њујоршката и лондонската модна сцена 90-тите години, се тема на книгата Champagne Supernovas на Морин Калахан. Иако ја следи сцената од гранџ периодот од 90-тите книгата е напишана во 2014 година, а сега се откупени авторските права и се планира да се претвори во телевизиска серија.
Засега се познати многу малку детали, ќе има формат на мини-серија, и ќе се базира на книгата која го следи пријателството на Мос, Џејкобс и Меквин, нивните падови и подеми, нивните луди авантури во 90-тите. Според Калахан, која има пишувано за Vanity Fair, New York Post, Spin, крајот на 90-тите и почетокот на 00-тите е вистинска уметничка ера во модата, а Champagne Supernovas ги следи трите ликови, нивниот врв на модната сцена, но и мрачната стана исполнета со зли намери, трачеви и зависности, како и неизбежните чаши полни со шампањ и со кокаин на врвовите. Дејствието завршува во 2010 година со самоубиството на Меквин. Во искучекува сме на модната серија и баш нè интересира кој ќе ја глуми Кејт Мос!
*Не е дозволено пренесување на содржината на www.stylist.mk без одобрение на уредништвото. При објавување на материјали од модниот сајт www.stylist.mk, во други медиуми задолжително наведете го изворот од кој е преземен текстот и поставете хиперлинк. Цитирањето и објавувањето на линкот е задолжително, во спротивност ќе подлежите на правни мерки.
Нема коментари