Покрај новите бои, форми и комбинации на облека, додатоци и накит модните недели пласираат и нови трендови во шминкање и фризури. На изминатиот моден маратон низ најголемите светски центри, кој почна во февруари во Њујорк, а заврши овој месец во Париз, погледнавме лепеза од нови трендови… Некои подразбираа и враќање на некои стари модни хитови, како косата собрана во опавче.
Ова е можеби најнегламурзоната фризура, која потсетува на опуштеност, изглед за по дома, или практично решение додека спортуваме. Одамна не е дел од урбаниот имиџ, а ретко го гледаме и на црвениот килим и на уличната мода. Но стилистите на големите модни куќи како „Балман“, „Шанел“ и „Валентино“, со минимална корекција, едноставниот реп го направија повторно тренди. На ревиите на овие компании манекенките без исклучок имаа фризури собрани во опавче, и тоа ни малку не ја наруши естетуката и не го намалии лукскзуниот ефект на линиите.
Фризерите на „Балман“ направиле опавчиња во наједноставна форма. Тие се ниско собрани, со мал набор и бушавење на косата околу ластичето. Фризурата е ставена во патец, а горниот дел над челото е залижан. Стисистите ја покажуваат важноста од избор на соодветно, дискретно ластиче, кое е или во црна боја, или е со нијанса блиска со бојата на коста, тоа не отскокнува и не паѓа во очи.
Опавчињата на „Шанел“ се многу пораскошни. Иако по формата се сосема едноставни-ниско врзани, сепак тие се збогатени со детали поврзни со ластичето. Косата е збогатена со многу пердуви, висечки плантени плетенки и разни декорации, кои даваат богат изглед. Фризурата наликува на племенска или индијанска фризура, каде што има модна хармонија и покрак тапираниот дел и густината на додатоци.
Можеби најзборуваната фризура е таа што ја видовме на ревијата на „Валентино“. Опавчето е ниско врзано и во должина на целиот реп има ластичиња. Вака опавчето наликува на плетенка. Таа е со ретро призвук, и одлично се поклопи со приказната на колекцијата . На краевите од предниот дел од косатата пуштени се неколку лелеави праменичња кои го засилуваат девојчешкиот, романтичен изглед.
Нема коментари