Секогаш своја и никогаш иста, денешната жена е сестрана, комплексна и горда на тоа. Постојано напредувајќи, таа е далеку од клишеа. Во 2017 година, Guerlain создаде интимен миризлив отпечаток за неа, со неповторлив потпис: Mon Guerlain. Оттогаш, оваа мирисна куќа истражува различни аспекти на современиот феминизам. Инспириран од блескавата радост, Mon Guerlain Sparkling Bouquet е рефлексија на аурата на жената која зрачи и со својата насмевка го осветлува светот.
Со оваа нова креација, Guerlain ја доловува највтентичната екпресија на женственоста: незадржливата љубов кон животот. Блескава среќа. Магичен зрак на жената која сјае и се пренесува на тие околу неа.
Додека силната, слободна и сензуална страна на Анџелина Џоли се спои со универзумот во оригиналниот мирис, за оваа креација се откри нова, уште поголема сјајна нејзина страна. Нејзиниот дарежлив дух и многу хуманитарност станаа муза на Mon Guerlain, носејќи моќна надежна порака која зрачи со позитивна енергија која се шири околу неа. Кога таа се смее, целиот свет се смее со неа.
Составот на овој скапоцен мирис е чист и овошен и произлегува од есенцијалните состојки на Mon Guerlain: лаванда, самбак јасмин, ванила и сандалово дрво. Композицијата се отвара со хармоничен акорд на крушка која блеска како неодолива насмевка. Овошните акценти се претопуваат во цветната срцевина каде свежината на лавандата ја најавува светлата и сончева нота на јасмин. Следно се појавува вкусниот мирис на ванила, обележан од дрвенести ноти на сандалово дрво, кои заедно ткаат нежен, сензуален ориентален мирис.
„Светла верзија на одата на женственоста“, вели Thierry Wasser, главниот парфимер на Guerlain, а Delphine Jelk, парфимер во куќата го опишува како „Тоа е шербет од крушка и лаванда, кои се топат заедно во топлата ванила“.
Иконично шише за автентичен мирис. Чисти линии и сензуални бранови кои се стопени хармонично во пакувањето кое е создадено во 1908 година. Идеален симбол на женственоста според Mon Guerlain. Збогатен со нов финиш од блескави кристали, прстенот е во сребрена нијанса кој интензивно ја рефлектира светлината.
Нема коментари