Кој моден збор би сакала луѓето да престанат да го употребуваат? Омилен музеј? Последна прочитана книга? Што и’ недостасува од родната Англија? Што сака да јаде, слуша, гледа? Ана Винтур, главната уредничка на американското издание на Vogue е последната што учествува во видео прашалникот на своето списание и открива точно 73 нешта за себе и своите преференци. Видеото започнува во нејзината канцеларија во Vogue, а потоа продолжува со прошетка низ останатите простории во редакцијата, а дел од прашањата и’ ги поставуваат супермоделката Карли Клос и дизајнерот Оскар де ла Рента. Во однос на модата дознавме дека никогаш нема да ја видите облечена во црно од глава до петици, а дека ретко носи чанта. Најголемо изненадување во врска со септемврискиот број на Vogue e написот за готвење со марихуана, а изненадување е и насловната страница со манекенки наместо познати личности. Ѓерданите и’ се моден детаљ што го носи долго време, а Скарлет О’Хара е најстајлиш лик од литературата. Многу повеќе во видеото…
Нема коментари