Објавена листата на најдобри светски ресторани, „Нома“ на Реџепи падна на трето место

Признанијата за најдобри ресторани во светот поддржани од San Pellegrino беа доделени деновиве, а жири комисијата првото место го додели на El Cellar de Can Rosa од Џирона, Шпанија. Водечката позиција на најпрестижниот избор е ресторанот што го водат тројцата браќа Рока, поседува три Мишелин-ѕвезди, се наоѓа во близина на Барселона и има толку долга листа на чекањешто ако сакате да резервирате без врски, може да добиете термин дури во 2020 година.

El Cellar de Can Rosa

Шпанските ресторани и медитеранската кујна доминираат на листата, па на второ место е Osteria Francescana во Модена, Италија, во кој главниот кувар Масимо Ботура креира креативни ремек-дела од локални состојки. Ланскиот победник, ресторанот Noma во Копенхаген, Данска, падна на трето место. Ресторанот на славниот Рене Реџепи, кој е со потекло од Македонија, има култен статус и со години е во врвот на светската гастрономија благодарение на необичните рецепти од најсвежи состојки и философијата на готвење надвор од границите на традиционалното кулинарство.

El Cellar de Can Rosa го водат тројцата браќа Рока

Овој избор се смета за најверодостоен показател за најдобрите во полето на гастрономија во кое се спојуваат микс на вкусови, талент, искуство и традиција, генијалност во смислување нови рецепти и негување на она што се нарекувa Haute Cuisine.

Osteria Francescana во Модена

Еве ја листата на првите 20 најдобри ресторани:

1. El Celler De Can Roca, Џирона, Шпанија
2. Osteria Francescana, Модена, Италија
3. Noma, Копенхаген, Данска
4. Central, Лима, Перу
5. Eleven Madison Park, Њујорк, САД
6. Mugaritz, Сан Себастијан, Шпанија
7. Dinner by Heston Blumenthal, Лондон, Велика Британија
8. Narisawa, Токио, Јапонија
9. D.OM, Сао Паоло, Бразил
10. Gaggan, Бангкок, Тајланд
11. Mirazur, Ментон, Франција
12. L’Arpège, Париз, Франција
13. Asador Etxebarri, Ачондо, Шпанија
14. Astrid y Gastón, Лима, Перу
15. Steirereck, Виена, Австрија
16. Pujol, Мексико Сити, Мексико
17. Arzak, Сан Себастијан, Шпанија
18. Le Bernardin, Њујорк, САД
19. Asurmendi, Ларабецу, Шпанија
20. The Ledbury, Лондон, Велика Британија

Noma во Копехаген три години беше на врвот на листата, годинава го освои третото место