Ви предлагаме еден домашен рецепт за пилинг на кожата на лицето и телото со лимон и морска сол
Солта делува природно, ги отстранува мртвите клетки од кожата, по што таа станува свежа и мазна, а младешкиот изглед го обезбедуваат билките и маслата додадени во пилингот. Исто така пилингот ја намалува видливоста на пигментациските дамки и ги намалува порите, а можеме да кажеме дека се работи за важен сегмент на негата на лицето и телото. Овој пилинг доволно е да се направи еднаш неделно, но внимавајте, при употребата не треба кожата да триете грубо и премногу јако.
Што е потребно:
• Морска сол
• Масло од јојоба
• Лимон
• Етерично масло по ваш избор (најдобро од лимон)
• Стаклена тегла
Подготовка:
Земете 2 шолји сол и половина шолја масло од јојоба и ставете ги во сад. Може да се употреби и маслиново масло. Промешајте ја солта и маслото и додадете малку сок од лимон и изрендана кора од лимонот (само жолтиот дел). Конечно додадете неколку капки есенцијално масло. Измешајте ги сите состојки и пилингот чувајте го во стаклена тегла. Вака подготвениот пилинг можете да го користите две недели.
Пилингот се нанесува на кожата и масирајте со нежни кружни движења. Истуширајте се со млака вода и потоа нанесете хранливо млеко за тело.
Нема коментари